甘味讚岐手打烏冬 (已結業)

本來想食和民，但係星期六晚有排等位，就轉左場黎甘味。一行五人被分派到餐廳外面嘅商場位，講真，冷氣唔係好夠，坐得唔係幾舒服。叫左炒飯、燒魷魚筒、三文魚沙律、鹽燒雞翼、雞排飯同甜紫薯。三文魚沙律有驚喜，幾新鮮，三文魚我點WASABI當刺身食，好味過原本個沙律汁。燒魷魚筒好香，林林地唔難咬，你知啦好怕食到啲咬唔難嘅魷魚，真係會哽死。其他野食好普通，放題質素，食完會明點解呢間野唔使等位。仲有呢度啲份量唔多，大食朋友要留意。食完第一輪未飽，諗住再叫，但望住個MENU揀唔落手，唯有捱住餓食下場。坐商場唯一好處係慢慢傾坐幾耐都冇人理，但當一有野要叫侍應黎，就揮極手都冇人應。