影片
更多
2024-09-25
849 瀏覽
今晚帶媽咪試吓西班牙菜，嚟到銅鑼灣呢間Casamigos，位置好方便地鐵站C出口對面就係啦。佢哋有室內同室外嘅座位，見到室外嘅燈飾佈置得咁靚，好有氣氛而且有冷氣，所以我哋選擇坐出邊。坐低之後服務員俾咗兩個iPad我哋睇Menu，亦都好細心咁問我哋有乜嘢唔食，仲有提議啲岩老人家食嘅菜式。之後又好耐心介紹mocktail 同cocktail，值得一讚👍 menu好多選擇，除咗有西班牙最出名嘅海鮮之外，亦都有烤乳豬，羊架，豬鞍架，西班牙火腿同埋牛肉他他。因為媽媽喜愛海鮮，最後叫咗幾款海鮮包括三個前菜兩個主菜，非常有驚喜！媽媽唔飲酒精所以叫咗個mocktail 比佢 Pomelo Punch ($108)，有grapefruit 同yuzu既果味，帶有輕輕既mint，好開胃。而我就order咗個cocktail Casa Yuza Paloma ($158)，用casamigos tequila base, mixed with grapefruit, honey yuzu and soda, 好正!第一道前菜有香煎北海道帶子配墨汁蒜香蛋黃醬($148)，上面有櫻花蝦乾同埋大大粒三文魚子。帶子
坐低之後服務員俾咗兩個iPad我哋睇Menu，亦都好細心咁問我哋有乜嘢唔食，仲有提議啲岩老人家食嘅菜式。之後又好耐心介紹mocktail 同cocktail，值得一讚👍 menu好多選擇，除咗有西班牙最出名嘅海鮮之外，亦都有烤乳豬，羊架，豬鞍架，西班牙火腿同埋牛肉他他。因為媽媽喜愛海鮮，最後叫咗幾款海鮮包括三個前菜兩個主菜，非常有驚喜！
媽媽唔飲酒精所以叫咗個mocktail 比佢 Pomelo Punch ($108)，有grapefruit 同yuzu既果味，帶有輕輕既mint，好開胃。而我就order咗個cocktail Casa Yuza Paloma ($158)，用casamigos tequila base, mixed with grapefruit, honey yuzu and soda, 好正!
第一道前菜有香煎北海道帶子配墨汁蒜香蛋黃醬($148)，上面有櫻花蝦乾同埋大大粒三文魚子。帶子煎得好香配上鮮甜魚子同小蝦乾好有口感，下面嘅薯蓉好creamy又香。
第二個前菜係慢煮加利西亞式八爪魚腳 ($198)，呢度菜好考功夫，慢煮嘅八爪魚肉質好腍，配上用蝦同木魚煮嘅汁好惹味！估唔到蝦同木魚煮嘅汁係會咁夾
最後一個前菜係橄欖油大蒜虎蝦 ($168)，喜歡蒜蓉嘅真係萬物錯過！！蒜香味極重，個汁勁濃稠 (問返服務員原來個汁有用雞骨一齊煮)，呢個汁如果可以加pasta一齊食，真係會好正，媽媽有用法包點哂d汁黎食，真係舔舔脷 😋
到主菜啦！第一道係香煎紐西蘭比目魚柳($238)，配上香濃蝦汁三文魚子同薯蓉。魚柳外皮煎到好香脆，肉質好腍好滑。啖啖肉冇骨好正。
第二度主菜係蟲草花野菌闊條麵($188)，配上牛油汁好香但一啲都唔油膩，闊條麵仲係手工制嘅，好有口感，同平日食嘅pasta好唔同。媽媽仲話蟲草花同野菌好養生😜
雖然已經好飽，但係我想媽媽都試吓西班牙好出名嘅甜品churros ($88)。呢個西班牙油條配上自家製士多啤梨朱古力醬，士多啤梨balance左朱古力，所以唔太甜，churros 又好香玉桂味，值得一試！
最後要讚吓服務員既貼心，服務態度好好，每食完一兩道菜就同我哋換碟，又會關心吓我哋啲餸菜啱唔啱食。
張貼
