千福中日火鍋料理 (已結業)

男朋友生日，本身諗住去碗屋個度食既，但男朋友又想打邊爐，而佢同我一樣咁鍾意食魚生，見到呢間千福呢兩樣野都有，而且好評如潮咁就不如黎呢度試下啦。嗯～首先真係要讚下呢度啲侍應，服務態度真係好好 (除左一位我諗主任級既侍應比較cool之外)，有求必應，而且好有禮貌，係打邊爐既期間會不停同我地整走啲泡泡，同埋好主動幫我地加湯底，另一樣野係我好記得我杯茶飲晒，跟住我叫一位侍應幫我加加茶，佢好好禮貌話好，但點知原來個茶壺係我地隔離個車架個度，佢反而要走黎我地身邊攞茶壺幫我地加茶。(如果我地知係隔離我地會自己沖，咁小事都唔想勞煩人家)好啦，服務講完，緊係要講食啦～開始時送上一個前菜 (忘記影)，係蝦沙律，好足料，啖啖都有蝦同蟹籽，好味！接著我地叫左個上盛刺身（個名咁上下) 試下，好好味好新鮮，仲有我鍾意食既海胆，隻蝦好肥好好味，食得好開心跟住我地就叫左一個牛奶魚湯底，我地覺得幾特別未試過想試下，個湯底好香，同埋真係飲落係覺得有牛奶 (我本人唔係太鍾意飲奶的，但都覺得好味)，仲有好多魚係入面，好似係鯊魚咁上下，掂！不過唔係樣樣都好的，最失望係我地叫左個牛，係牛背位既，感覺上切得較厚，外貌同味道同我地睇