那個ㄋㄚˋ ㄍㄜ˙ (埃華街) (已搬遷) 新店位置

一直以嚟同老公成日食，那個亦都曾經係我top3喜愛嘅餐廳，自覺都算係常客，但真心感覺到質素一直下降。由以前跟嘢飲、食物高質、份量足料、員工親切，到宜家變咗飲品優惠減$10、品質退步、越嚟越細份、服務態度差。啲食物冇以前咁好食都算，杯飲品仲要減料，明明加咗$3要大杯，話咩常溫就係會少一截，不嬲都係咁？我幫襯咁多次，話你知從來都唔係咁，我仲搵得返以前嘅相為證；同時亦都代表你哋嘅出品係冇standard。另外失望位係，啲飯又硬、滷肉又嚡、杯奶茶嘅粉條仲要有陣怪味⋯⋯商家有冇用心經營，顧客係真係感受得到。唔知係咩原因，可能轉咗老闆/轉咗廚房/轉咗樓面/開多咗分店/加緊控制成本？見佢係黃店，又咁好食，曾經仲幫佢打過好評，又介紹朋友去食，但覺得可惜宜家係越做越差。下決心唔再幫襯。