頹飯 (已結業)

食咗一餐飯，間餐廳叫頹飯，但係嘢食一啲都唔頹廢，價錢未必比得上其他外賣店咁平，但係質素有保證。餐廳原來有不少故事～黑椒牛仔骨飯$68牛仔骨啲肉比較鬆化，而且黑椒汁分量十足，可以要來送飯，或者點上牛仔骨亦可以，朋友個飯亦都可以加啲黑椒汁食更加香。每盒飯唔係剩係得飯同肉，仲有青瓜片同埋粟米令味道更為豐富。滑蛋蔥粒炒蝦仁飯$54（限量發售）啲蛋都算幾滑，同埋分量好多， 夾住好多蝦仁同埋蔥粒，特別啲蝦仁好爽口！加$10紅豆冰加$10凍檸樂紅豆冰真係幾值得推薦，底下啲紅豆分量十足之餘仲煲得好琳，唔使點用力已經咬開。凍檸樂方面除咗普通嘅可樂仲可以揀Zero都冇問題。