元札幌拉麵 (悅來坊)

營業中

休息中

今日黎到位於荃灣悅來坊商場嘅元札幌日本餐廳🍴一入去店員會幫你量體溫，😷再每人派一個口罩，亦都有消毒搓手液，好衛生！🥰睇完餐牌都有少少選擇困難症😂，因為太多嘢揀，佢有牛肉飯鰻魚飯同各式拉麵、小食🍱🍢入到去坐低叫咗炸豆腐，燒野菜魚餅同埋主菜日式叉燒鹽味拉麵。先講下個炸豆腐，佢做到好似天婦羅咁外脆，炸到唔會炸到豆腐散晒豆腐上面鋪滿木魚好夾。另外個燒野菜魚餅好彈牙好香魚肉味👍🏽。到個主菜叉燒鹽味拉麵，個叉燒好厚身偏瘦所以好啱一啲減肥嘅人，湯底偏清淡所以自己可以配搭枱上嘅麻油、七味粉飲完成碗湯都唔會覺得口渴。餐廳環境好寬躺座位與座位之間亦有足夠距離，侍應周不時都消毒餐枱同櫈清潔做足所以大家都可以放心黎食