茶墨 (已結業)

如果鍾意飲嘢不妨幫襯下呢間黃店，佢喺度溫地點都真係幾方便，而且都好多位置可以坐，同埋長期都好多人～～飲品選擇方面都多，但係我哋想試啲靚啲嘅打卡，就揀咗水墨風試吓先，啲味道都幾特別。麻薯芝麻烏龍鮮奶茶$39呢個芝麻味都幾香，烏龍味就比較清新，奶茶香味都算突出，而且佢下面有好多唔同嘅麻薯，口感煙韌令質感豐富得多。黑糖珍珠芒果鮮奶$39黑糖珍珠味道香甜，而且有咬口，芒果味道清新唔假，鮮奶味道甜甜地，整體配搭OK！清香柚子芝士蛋糕$28飲嘢通常都想食個蛋糕，呢度有幾款蛋糕選擇，我就揀咗柚子芝士蛋糕，芝士味道香濃，柚子令味道豐富而清新，下次都會再試吓其他！