KiKi麵店 (K11 Musea)

營業中

休息中

聽講K11 Musea有一間專門食麵嘅餐廳，喺Musea睇戲就順便食個飯。今次同男朋友去，又見到佢有個情人節套餐就順便試吓。 情人月限定二人套餐$314 馬來椰香鮮雞濃湯麵雞肉都幾鮮，入面仲有啲菜，麵質又滑又彈牙，湯底濃郁但係唔會咸。
珍珠帶子鮮蝦紅菜頭海鮮湯麵珍珠帶子細細粒，口感好得意，鮮蝦都好爽彈，因為紅菜頭嘅顏色變得好紅。紅菜頭味比較清新，好彩唔會勁得滯，如果太勁嘅話都唔知湯底點食！兩個湯底仲可以混合，個味道都幾得意，有啲似喇沙湯底！一定要試一試！呢度仲有超多特色飲品，呢間店舖隔離就係飲品專區Kiki茶～草莓雪絨白桃烏龍烏龍味道清新，下面有一粒粒食得嘅白桃啫喱物體，上面士多啤梨味都幾清新地，甜甜地。黃金番薯雪絨黑糖薑母鮮奶呢個真係幾正，本身係紫薯，但係賣晒所以變咗黃金番薯，味道好濃郁，包括番薯，薑母同埋鮮奶嘅味道Mix得非常之好。同埋真係好大杯，會好飽肚！另外叫多兩款甜品伯爵戚風蛋糕配黑糖珍珠有啲一粒粒嘅黑糖珍珠係上面，伯爵茶口味清新仲有啲cream，好fresh。仙草珍珠見到全部都係黑色，仲可以加糖漿，又甜又清新。