影片
更多
2021-12-12
91 瀏覽
朋友無介紹錯既火鍋店今日放假本身諗住唔出門口，點知朋友話book咗旺角嘅新南苑，話朋友介紹好好食，咁就唯有出門口啦。朋友收早book咗6:00。上到去可能時間尚早冇乜人，直接有得入去，坐埋位侍應就介紹一開始有個雞煲，然後有牛肉餐同牛肉海鮮餐揀，我同我朋友揀咗個牛肉餐，等咗一陣雞煲已經嚟到。先講吓個雞煲，半隻雞份量唔算太多一打開蓋香氣撲鼻。辣味唔算太重，雞件都算多肉但又唔會太柴，算幾好食。食完雞煲到揀湯底打邊爐，喺呢度要講一講佢哋三人先有得揀啲特別湯底。我哋得兩個唯有用清湯底。牛肉十分有驚喜，服務員細心咁介紹唔同嘅部位，賣相真係好好。淥熟咗之後啲牛依然咁滑。配料嗰啲都幾多選擇值得一提嘅係灌湯小籠包，第一次打邊爐有小籠包叫咗幾過試吓，都幾好食。仲有，佢哋啲蝦都幾新鮮下。飲品嗰度係自助式嘅有款果汁從來未喺其他地方見過，幾好飲唔算太甜。我哋兩個最後食咗六百幾蚊價錢以食物質素來講都算好OK。順帶一提我哋走嗰陣時大概係八點幾已經滿座，想食嘅朋友早啲去比較好。餐廳仲可以播英超 足球直播，一路食一路睇既話，整體環境氣氛應該唔錯。
今日放假本身諗住唔出門口，點知朋友話book咗旺角嘅新南苑，話朋友介紹好好食，咁就唯有出門口啦。朋友收早book咗6:00。
上到去可能時間尚早冇乜人，直接有得入去，坐埋位侍應就介紹一開始有個雞煲，然後有牛肉餐同牛肉海鮮餐揀，我同我朋友揀咗個牛肉餐，等咗一陣雞煲已經嚟到。
先講吓個雞煲，半隻雞份量唔算太多一打開蓋香氣撲鼻。辣味唔算太重，雞件都算多肉但又唔會太柴，算幾好食。食完雞煲到揀湯底打邊爐，喺呢度要講一講佢哋三人先有得揀啲特別湯底。我哋得兩個唯有用清湯底。
牛肉十分有驚喜，服務員細心咁介紹唔同嘅部位，賣相真係好好。淥熟咗之後啲牛依然咁滑。配料嗰啲都幾多選擇值得一提嘅係灌湯小籠包，第一次打邊爐有小籠包叫咗幾過試吓，都幾好食。仲有，佢哋啲蝦都幾新鮮下。飲品嗰度係自助式嘅有款果汁從來未喺其他地方見過，幾好飲唔算太甜。我哋兩個最後食咗六百幾蚊價錢以食物質素來講都算好OK。
順帶一提我哋走嗰陣時大概係八點幾已經滿座，想食嘅朋友早啲去比較好。餐廳仲可以播英超 足球直播，一路食一路睇既話，整體環境氣氛應該唔錯。
張貼
