泰媽媽雞飯 (新鴻基中心) (已結業)

原來灣仔新鴻基嗰邊開咗一間泰國菜，由泰國主廚泰媽媽主理，主打外賣嘅店舖，入面都有少少座位，價錢都幾合理！無論係堂食或者外賣都好方便。餐牌選擇多多，餐牌上面種類都好齊全，包括係飯類，金邊粉或者其他湯類，基本上泰國菜嘅基本食物都有。仲有多士喺灣仔店限定。泰媽媽雞飯$70呢個雞飯我非常推薦，因為見到佢嗰個清遠雞其實好滑，而且個皮都好彈性有油香！嗰個雞油飯原來係用咗金象米，品質一流，而且仲有泰式醬汁同埋姜汁 ，想「點」就「點」，好清新！仲有好鮮嫩嘅菜心，成個套餐我都好滿意～ 咖喱牛筋腩飯$70咖喱牛腩飯臥虎藏龍，你見到上面有啲牛腩汁牛筋，薯仔同埋洋蔥，三色椒等等，旁邊有啲菜心，而下面就係白飯！佢個牛腩同埋牛筋都整得夠林，好入味，咖喱唔會太辣，好適合香港人口味。泰式芒果糯米飯$55 鍾意食泰式甜品嘅千萬不要錯過，佢個份量充足，仲有好多椰汁，好香！套餐加$10仲有特色飲品，淨係個包裝已經好特別泰式奶茶有泰國風味～口感特別香滑 青檸梳打好清新，甜味都適中， 夏日必備！