重慶洪鼎火鍋 (已結業)

前日同個老友打完波，好鬼肚餓，跟住去搵嘢食，佢話帶我去一間好有氣勢嘅餐廳，-重慶洪鼎- 聽個名都架勢，入座後老友發辦點了 一個正宗洪崖洞麻辣鍋拼野菌湯，真不錯一邊麻辣一邊清甜，麻辣一邊紅噹噹，睇見都零舍醒神，配上一個盛肉拼盤，雪花點點牛肉片，大廚刀功了得，牛片薄如蟬衣，只需輕輕湯幾下，便可品嚐，盛著滿滿牛肉汁，我倆急不及待地送進嘴裏，濃郁香甜，一片跟一片，密集式咀嚼，非常滿足。野菌湯那邊，同樣引人入勝，鮮菌菇香飄逸，清香怡人，又有另一番風味。鮮紅點點鴨血，非常滋陰補腎，爽滑可口。餐廳別出心裁自家五色火鍋小籠包，色彩斑斕可愛，賣相已經吸引，薄薄表皮，柔韌軟綿，仲好有內涵，湯汁鮮甜無比，五種顏色，五種不同香味，真係別出心裁。還有自家手製蟹子墨魚滑，跟濃汁豬骨貢丸，睇見都已經引人入勝，食材用心巧製，墨魚滑魚香鮮甜滑捋捋，濃汁貢丸爽口彈牙，濃香撲鼻，認真頂呱呱。各種蔬菜金菇份量絕不吝嗇。飲品還有自家鮮榨竹蔗水，冰冰凍，係食火鍋嘅絕配，今餐我倆吃得肚滿腸肥，心情大好結帳離去。