ZENTRO (已結業)

今日同朋友行完上環，去咗搵嘢食。行到去威靈頓街上咗呢間fusion餐廳，有西式又有多款串燒，呢間鋪頭仲出名用備長炭黎整串燒，又幾特別，值得推薦俾大家~我地去嗰陣太早仲未有好多客人！雖然係樓上鋪，但佢係無窗嘅，可以好空曠咁望出面嘅街景。燈光比較暗，幾浪漫，幾適合三五知己或者拍拖黎食飯～空間寛闊，座位頗多！等我逐一介紹邊樣野食係值得一試！我哋叫左一個mushroom soup，綿滑質感，夾雜住超多蘑菇肉，味道超級一流，仲加咗少少黑松露，好正！令我最回味嘅就梗係嘅鵝肝多士，多士烤得香脆可口，鵝肝肥美， 多士可以減少鵝肝嘅肥膩感。 主菜就叫左黑松露帶子意大利飯。份量充足，黑松露味道濃郁，整體味道唔錯！串燒我地就叫左炭烤澳洲頂級安格斯腹心肉同我嘅至愛牛舌。牛舌厚切，食得出係舌頭中最柔嫩嘅部份，有肥滋滋嘅口感。至於澳洲頂級安格斯腹心肉，一上菜佢嘅擺設已經好靚～肉質滑嫩可口，生熟程度岩岩好，夠林，值得一讚上菜速度快，環境優雅，下次想係上環食dinner可以試下呢間zentro，推薦推薦！