成都小巷米線雞煲 (和富道) (已結業)

百幾蚊食到雞煲仲要任食火鍋料仲要任飲啤酒汽水，呢個價錢簡直係抵食之餘味道仲要唔錯，簡直係福音。入座起計時間，埋單既時候會計返食左幾耐收返邊個價錢，環境乾淨光猛衛生。今次叫左個唔辣既雞煲，d料頭爆香晒搞到成煲都勁香。雞肉量唔少，絕對夠兩個人食，肉質爽身既有類似新鮮雞既感覺，味道偏甜，但係沾一沾埋豉油食就岩晒。另外火鍋料超過20樣，火鍋丸類牛肉豬肉菇類蔬菜咩都有。飲品連啤酒都有20款咁濟，勁多選擇絕對唔驚唔夠食。絕對可以同朋友慢慢食，飲飽食醉先走。題外話，眼見其他人食烤魚都好鬼吸引，大大條又勁香，下次再同fd過黎任食下都唔錯。