蓬萊咖哩屋

營業中

休息中

前排有日好想食咖喱，之前成日經過呢間門口，見個樣好似幾得，終於嚟試食!入到去打開本menu，嘩!! 啲相全部都紅色嘅!! 唔係好分得出咩打咩...最後點咗薄餅，咖喱羊，鐵板辣椒雞，海鮮炒飯，兩杯芒果味果酸乳送嘅脆餅，點個唔知綠色嘅咩汁，覺得都有啲印度風味!之後其他野都到齊，開餐!我同我老婆一路食，一路懷疑自己味蕾係咪出咗事!? 點解啲野食咁淡味嘅!!諗住印度餐廳，D野應該會好辣，所以落order時叫咗小辣，但係諗都冇諗過會無味，羊無味，雞無味，薄餅無味!!! 咖喱係印度嘅主菜，開得餐廳應該有番咁上下，但我係呢度食唔到印度咖喱應有嘅水準...不過嗰兩杯芒果味果酸乳幾好飲!