影片
更多
2023-10-23
59 瀏覽
冇影相，因為猶豫左好耐洗唔洗寫，結果考慮完都係覺得寫下提醒下未食過嘅人會好啲喎，所以最後都係決定寫。今日買左佢個全素大阪海藻飯團加杯紅豆奶茶。個涵係有類似中華沙津咁嘅菜同埋栗米，台式疑似唔知飯焦定係油條之類嘅物體，個飯係好飲痴飯嘅果種質地，係非常糯米嘅果種，會令人食完發起好飽果種材料嚟。外面有一層紫菜包住咁嘅。3x蚊已經會好飽，因為個糯米飯唔係一啲食開清淡嘢腸胃嘅人可以承受到嘅果種發起。我2點幾食過少少嘢，4點幾買佢，5點食佢，發起發到9點都仲好飽就知佢個痴飯型糯米有幾咁誇張。仲要係糯米溝紅米嚟。奉勸各位唔好當小食，要當正餐，食佢之前唔好食其他嘢。但我決定寫佢嘅原因係，我唔識點食佢，唔知點控制佢張紙，無論點食佢都係會散開啲碎散到周圍都係，勁難處理，超唔方便，食到超級狼狽，laolao gaogao咁, 超級無儀態。好彩冇同其他人一齊食，俾人見到我咁嘅食相真係唔開胃。如果識得點食佢嘅人唔該留言賜教一下，係咪我太笨手笨脚四肢唔協調搞到咁 ? 定係其他人食佢都一樣係食到咁嘅樣 ? 個紅豆奶茶佢有問我洗唔洗走糖，我好順口地講左好啊走糖啦，結果走左糖都依然勁甜，因為個紅豆本身太甜，佢問我走唔走糖
今日買左佢個全素大阪海藻飯團加杯紅豆奶茶。
個涵係有類似中華沙津咁嘅菜同埋栗米，台式疑似唔知飯焦定係油條之類嘅物體，個飯係好飲痴飯嘅果種質地，係非常糯米嘅果種，會令人食完發起好飽果種材料嚟。外面有一層紫菜包住咁嘅。3x蚊已經會好飽，因為個糯米飯唔係一啲食開清淡嘢腸胃嘅人可以承受到嘅果種發起。我2點幾食過少少嘢，4點幾買佢，5點食佢，發起發到9點都仲好飽就知佢個痴飯型糯米有幾咁誇張。仲要係糯米溝紅米嚟。奉勸各位唔好當小食，要當正餐，食佢之前唔好食其他嘢。
但我決定寫佢嘅原因係，我唔識點食佢，唔知點控制佢張紙，無論點食佢都係會散開啲碎散到周圍都係，勁難處理，超唔方便，食到超級狼狽，laolao gaogao咁, 超級無儀態。好彩冇同其他人一齊食，俾人見到我咁嘅食相真係唔開胃。如果識得點食佢嘅人唔該留言賜教一下，係咪我太笨手笨脚四肢唔協調搞到咁 ? 定係其他人食佢都一樣係食到咁嘅樣 ?
個紅豆奶茶佢有問我洗唔洗走糖，我好順口地講左好啊走糖啦，結果走左糖都依然勁甜，因為個紅豆本身太甜，佢問我走唔走糖真係救左我一命。阿彌陀佛，感謝果位員工 !
張貼