夢の丼 (已結業)

放工同朋友一齊食野，去左土瓜灣，上網睇到都好多好評，試下先～一黎試下佢個麪豉湯已經有驚喜，佢有蝦油既味！好香，搞到我對佢既野食已經好大期望！我地坐對住佢整野食既地方，我覺得OPEN KITCHEN好好，又衛生。平日既晚上都滿坐！先上既係佢既夢の丼，配料包括帆立貝、牡丹蝦、海膽、燒三文魚蓉、松葉蟹、三文魚子、左口魚邊等。所有野都好新鮮，仲有配埋佢個醋，小小一啖，再配佢既海鮮，very good!另外我地叫左花錦魚生丼，有三文魚、白身魚、赤蝦、左口魚邊、金蟹子、三文魚子、櫻花蝦、蟹膏、豆腐、松葉蟹、蜆肉、玉子等，係勁豐富，每一啖都好滿足！小食我地叫左蟹皇醬燒蟹膏豆腐，呢個真係勁驚喜，一定係日本靚豆腐，好香濃，呢個係一定一定要叫。慢煮鮑魚配肝醬，正！大大粒帶子，正！