相馬日式火鍋 (已結業)

收爐前最後一邊！最近好多時同朋友約食飯都會去打邊爐，依間相馬都唔錯，肉類都係根據價錢，可以揀食不同質量嘅牛肉，我地就豪少少，揀左特上澳洲和牛，加埋豚肉，仲附送海鮮放題添！澳洲和牛嘅牛味都幾香，又唔會太肥，薄薄地，快快煮一煮就食得喇！因為個湯底已經好夠味，唔點醬油都唔錯。我最近就鐘意點少少酸汁，醒醒胃，又好食。豚肉都唔錯架，油脂平均，食到停唔到口呀！依度仲有海鮮放題，真係不得了呀！有蝦，蠔，同帶子，我覺得蠔值得一讚，都幾肥美架，一d都唔腥。