瀛 ‧ 日式料理 (已結業)

前菜有酸蘿蔔同日式蒸蛋，蒸蛋好好食，夠熱夠滑，而且夠咸，入面有冬菇、蜆肉。加$10 有三文魚3片，好滑嘅三文魚，付有感覺似係即磨嘅wasabi，抵食。主菜係天婦羅丼同麵豉湯，賣相好靚啊，入口都好脆。有2隻蝦、一塊蕃薯、一片南瓜同兩隻青椒。蝦好好食，炸得岩岩好，唔會太老。蕃薯係好粉嘅。南瓜好甜好食。青椒個味好重，可能唔係個個中意個陣青椒味。個飯係珍珠米加左啲汁，唔會好乾。飲左巨峰乳酸梳打，甜甜地，不過不失。甜品係柚子雪糕，好大陣柚子味，仲有柚子肉，幾特別。