天草漁場 (已結業)

有朋友之前有介紹過我話銅鑼灣有一間食日本料理做得好出色，主理嘅係日本人，今日lunch一於過嚟試吓，一入到去好光猛，同以往比人去日本料理果種暗氣氛有點不同，set lunch menu價錢同一般外面日本料理店差不多，除咗叫set lunch ,我哋今次打算散叫，一於試吓佢仲有乜嘢好食！蟹蓋燒好鮮味，蟹膏好多，入面都係蟹肉，外面好多會混蟹柳扮蟹肉，呢度唔係，好正！原隻新鮮海膽，佢真係用識郁嘅海膽原隻劏開俾我哋，超級新鮮，一定要試！新鮮活北寄貝，鮮甜無比，爽口彈牙，新鮮到我地仲要encore!刺身魚生，厚切，啖啖滿足， 十分新鮮。燒和牛丼，十分好食，分量亦很多，呢個係set lunch可以叫，好好味！食飽都想食！原隻燒龍蝦，又係新鮮龍蝦，好鮮味，但略嫌笑得乾咗一點。燒扇貝，鮮味多汁，好好味！呢間小店一定會再推薦比其他朋友是，菜式做得不錯，選料非常新鮮講究， 十分有誠意！