影片
更多
2024-07-04
2924 瀏覽
同閨蜜去慶生，當然要搵間ig-eable又好味既餐廳啦。一入餐廳，就俾個裝修吸引了，好似置身一個高級酒店既餐廳。但入座率唔算高，整晚目測只有5-6枱客人。見到餐廳同某信用卡做緊套餐優惠，但見套餐提供的食物比較普通，唔算太抵，所以決左散點。陳皮香草焗豬，上碟都覺得幾靚，但味道就好一般，面頭舖了大量香草，並未有底下的豬帶來鮮味。豬肉亦非常鞋口，絕對唔覺特別新鮮或部位鮮嫩。話梅白涼瓜，冰冰甜甜，夏天食都算消暑，苦瓜都算juicy，但咬落絕無苦味，話梅同甜汁味覆蓋了苦瓜苦味。花圖和牛寶盒，上碟比想像中較普通，睇個名以為會用個盒裝住。至於味道亦唔係平時食日式同西式和牛個種感覺，反而佢係一層層好似普通肥牛卷到一層層咁。都唔知有冇和牛成份，如果有都似係和牛啲唔要既部位拎嚟做呢道菜。花圖爵士湯，全晚最吸引的一道菜，用獅頭的湯碗裝住，好有氣勢。入面材料豐富又大件，個湯味道鮮甜，睇到橙橙紅紅飲落仲有龍蝦湯既感覺。唔知係咪用左蝦頭去淆呢，呢方面就無去求證。後尾加左個蟶子煎米，呢個餸創作比較普通，似平時食開既豉汁蟶子但去了殼上碟再放係米粉上。（忘記了影相) 米粉凍左口感變差。叫左2杯cocktail, 2個人
同閨蜜去慶生，當然要搵間ig-eable又好味既餐廳啦。
一入餐廳，就俾個裝修吸引了，好似置身一個高級酒店既餐廳。但入座率唔算高，整晚目測只有5-6枱客人。
見到餐廳同某信用卡做緊套餐優惠，但見套餐提供的食物比較普通，唔算太抵，所以決左散點。
陳皮香草焗豬，上碟都覺得幾靚，但味道就好一般，面頭舖了大量香草，並未有底下的豬帶來鮮味。豬肉亦非常鞋口，絕對唔覺特別新鮮或部位鮮嫩。
話梅白涼瓜，冰冰甜甜，夏天食都算消暑，苦瓜都算juicy，但咬落絕無苦味，話梅同甜汁味覆蓋了苦瓜苦味。
花圖和牛寶盒，上碟比想像中較普通，睇個名以為會用個盒裝住。至於味道亦唔係平時食日式同西式和牛個種感覺，反而佢係一層層好似普通肥牛卷到一層層咁。都唔知有冇和牛成份，如果有都似係和牛啲唔要既部位拎嚟做呢道菜。
花圖爵士湯，全晚最吸引的一道菜，用獅頭的湯碗裝住，好有氣勢。入面材料豐富又大件，個湯味道鮮甜，睇到橙橙紅紅飲落仲有龍蝦湯既感覺。唔知係咪用左蝦頭去淆呢，呢方面就無去求證。
後尾加左個蟶子煎米，呢個餸創作比較普通，似平時食開既豉汁蟶子但去了殼上碟再放係米粉上。（忘記了影相) 米粉凍左口感變差。
叫左2杯cocktail, 2個人埋單成$18xx，感覺好唔抵，用料唔算昂貴，手工亦唔算好多。唯獨係個爵士湯做比較value for money。
張貼
