魂燒 (已易手) 新餐廳

魂燒經過太子砵蘭街，發現忽然有間舖頭「魂燒」，每日傍晚6點才開業，所以襯假期去試一試。安格斯一口牛串，好吸引，就叫咗嚟食。牛肉味道濃郁，肉質都幾軟，好多肉汁，唔痴牙。燒三文魚腩，呢個三文魚算係咁多款入面我好推介，我都係鐘意食三文魚腩，呢款實在好味，外脆内軟，油而不膩。重頭戲係黎到太子呢度有海胆飯食呀！！呢個海胆飯真係好足料，望張圖都知D海胆有幾多幾大，絕對吾係薄薄一層架，好新鮮，好鮮甜！不過要食好野一定要有少少犧生嘅，位置相對比較迫同埋依家夏天．．都幾熱架！提一提，最好致電魂燒訂位或者早D黎，因為今晚人龍排到隔鄰。