聰少甜品 (已結業)

今日去咗屯門v city嘅分店，分別同朋友一人叫咗一碗糖水，落單時間10:42。可能我哋食得比較快，佢地嘅員工好快就嚟收走咗啲碗，之後講咗句：後面仲有好多人等緊！但嗰陣只喺10:55分。咁我哋原本喺想再坐多陣傾計，但基於個位員工嗰句，真係唔知點坐落去。去俾錢嗰陣同佢地收銀同事反應咗：乜原來我哋喺食快餐？收銀同事就搵返當時同我哋講野個位同事問返，而個位同事嘅態度奇差，仲講：下，我哋喺靠𠵱2個鐘跑數，同埋我冇叫你哋走，喺同你地講聲後面好多人等ja！最後出埋張單時間11:02，前前後後4個字，第一次食咁快嘅糖水，而味道亦都唔喺出色，只喺普通味道，更多人等、更出色嘅糖水鋪都唔會咁快趕人走喇！第一次食亦都係最後一次。