任我點‧掂 (已結業)

點點王子 $36(凍)呢間係以車仔麵形式經營既糖水舖🤣可以任你自選配料，逐樣收費😝不過今次K就揀左佢已經預先配搭好既點點王子啦😆點點王子有好多種配料，包括芋圓、地瓜圓、薏米、原味麻糬，仲有寒天QQ，個底就係仙草凍。雖然36蚊一碗外賣糖水聽落唔算好平，但其實佢係超大碗😂拎上手勁重手。芋圓同地瓜圓比較大粒，都幾煙韌但就無乜芋頭同地瓜味😅仙草凍好滑溜而且份量好多；薏米幾有咬口，仲有口感QQ既麻糬，店員仲細心幫我分開上，費事返到屋企浸到會淋哂🙈成碗糖水口感好豐富，整體黎講都唔錯吖🤗