富士山55 (拉麵沾麵專門店) (已結業)

上次黎富士山55因為海膽唔當造，所以食唔到最出名既海膽，今日得知海膽沾麵已經推出返，即刻約朋友去試。因為入面地方淺窄，過左七點之後大排長龍，好在我們七點前已經來到。冇黎一段時間，Menu都update左，而家季節限定海膽沾麵同北海道松葉蟹沾麵。先來一枝日本波子汽水 $18見朋友個個都食海膽沾麵，咁我就試下北海道松葉蟹沾麵啦。北海道松葉蟹沾麵 $188其實呢個沾麵價錢都唔算平，不過上台後驚喜萬分，果然好足料，成隻松葉蟹呈上面前，相信份量係一隻蟹咁多。麵質揀咗適中，入口都幾彈牙，留意到呢個麵嘅麵質比海膽沾麵較為幼身，而湯底同海膽沾麵都唔一樣，原來呢個湯底冇海膽嗰款咁杰身，所以採用較幼嘅麵令掛湯力更佳。湯底帶有蟹肉的咸香，松葉蟹好新鮮亦很鮮甜，已經預先拆晒所有肉出黎，連蟹膏都有，食用非常方便，仲有個溏心蛋好甜。枱面有個爐可以加熱沾麵嘅湯，不過其實都冇用過，沾麵湯底已經夠熱。煎餃子 $31食完沾麵，再食埋餃子，餃子都幾多饀。芝士雜坎 $20最後再追加埋芝士飯，充滿mozzarella cheese，食後好飽肚。果然係湯底及麵質水準高的一間沾麵店。