雲香園小鍋米線

營業中

休息中

係尖沙咀附近搵食見到呢間米線咁多人就試一試。 款式太多實在唔知揀咩好 ，見到隔離嗰碗幾正就問下佢，佢介紹我食雲桂香招牌米線。雲香園米線有芽菜、 酸菜、 豬肉碎、 台灣腸、 冬菇、 雞絲、 雞翼、 魚肉春卷、 螺旋草、 腐竹，咩都有就揀佢。米線一上枱真係好足料，滿滿都係餸見唔到米線的，我揀左麻酸辣bb辣，辣度岩岩好，有辣的香味又唔會辣到要飲水，麻香十足，每一啖都要連湯一齊食，冬菇吸哂湯汁超級好食，雞絲同螺旋草都好吸湯，雞翼超大隻又滷得入味，超滿足。見到舖頭介紹湯底新鮮熬煮6小時，果然係真材實料。其間見到老板同熟客傾計仲話親身去學沖奶茶 、 每杯奶茶都用幾款茶葉沖製 , 叫左一杯試下，真係好港式茶餐廳的奶茶，茶味香濃，啖啖香滑。