NeNe Chicken (大埔超級城) (已結業)

總係有啲時間突然好想食炸雞，所以今次去大埔行街就順便係下午時段試下呢間都算出名嘅餐廳。/🔅大韓廚師炸雞🔅芝士牛肉卷伴炒粉絲🔅脆薯條🔅Lychee Blue Butterfly🔅Jeju Island Beach /其實個炸雞真係好好食，好juicy 又惹味，咬落一啲都唔韌，只不過真係太辣喇，係好辣好辣，辣到我食一件雞要飲半杯特飲先無咁辛苦，坦白講因為我本身唔食得辣，所以就食到流晒汗，相信如果係鍾意食辣嘅人，一定會比好高分！另外牛肉卷伴粉絲好味道，粉絲既唔乾又唔硬身，值得再試！