翠華餐廳 (已結業)

興致勃勃同friend去老蘭飲野，岩岩放工大家都要去填一填個肚先。方便就腳就揀左中環翠華。依間翠華裝修光鮮，一坐低我叫左個東蔭工魚片豬軟骨米線，我朋友就叫左銀牙肉絲炸麵。另外叫左兩杯奶茶。依家食個茶記都要每人$100，如果考慮食物質素，服務，速度方面的話，翠華都算合格。至少一入到去好快有侍應招呼落單，味道又大眾化。而且最大優點係開得夜又近蘭桂坊，放工OT都仲有野食。另外，都有見到唔少外國人，應該都係飲完野想食野醫肚。