棠記士多

營業中

休息中

大浪灣行得多，次次都係行完出返東大街食，今次試下留喺大浪灣食。呢度次次都幾多日所以入左黎喇。菠蘿炒飯：好足料（菠蘿太多😅），夠鑊氣，有少少辣幾惹味，比想像中好好多喎。50蚊抵啦。星州炒米（少辣）：多材料，$50估唔到都有兩隻蝦。但以椰菜代芽菜好「港式」🤣。可能我叫左少辣，冇一般星州米咁濃，但都OK嘅。椰青：青甜解渴，正常。$32堂食環境都幾乾淨，唔駛搭檯，上菜幾快。仲有我見到廚房跌晒啲類似紅腸嘅食材落地佢地即deu 👍🏼（雖然係正常，但唔係必然的）。滿足，下次行完大浪灣又黎，唔駛出筲箕灣先食。