全記海鮮菜館

營業中

休息中

人地成日話西貢全記海鮮好正，係米芝蓮黎！上次食完佢萬年街個間分店之後，真係覺得街市求奇買黎整都好食過佢，鮑魚又凍又硬膠，芝士龍蝦伊麵直頭又爛又無味，食完真心覺得垃圾！瀨尿蝦仲細過乜禁，椒鹽完肉都無埋！今日去完玩，又話食全記！我即刻強烈反對，仲表明上次難食到爆！朋友話真係好想食，加上老公話去另一間分店，好食啲既！禁算啦，試埋今次，都係兩間即，最多無第三次即！點知呢間分店，真係好好多囉4人餐揀5樣餸椒鹽鮑魚熱辣辣又軟熟特濃芝士龍蝦伊麵芝士控一定要食真心濃！好似雙重芝士禁，龍蝦走油（應該係）又無過龍，鮮甜！椒鹽瀨尿蝦今次呢隻係大隻個啲切件上，好多肉，仲有膏添！鮮清蒸海上鮮，係黃立倉都好大條下！咕嚕肉係呢個差啲，個汁淡口啲，可能驚太濃，食完佢就會搶左啲海鮮味！而且每舊都偏肥餐仲跟個浸菜同臨尾有紅豆沙/果盤，我地揀左紅豆沙，都好食架！帶左狗，坐出面，好view好多，我地6點未到已入坐，唔洗等，再黎已經滿哂，仲要個個都話等出面！假日好煩忙，太多人等，唔好諗住慢慢食，未食完已經叫你埋單上糖水，而且禁多人企係度望住你，都慢慢食唔到啦餐價=埋單價，無加一無茶介係正既，不過只限呢間分店囉