王牌冰廳 (燒味世家)

營業中

休息中

今日放工7:00去食飯，行開見到新開一間餐廳，就膽粗粗入去試，點知坐低嘅時候就聽到老闆話有新鮮出爐嘅燒味，一問之下居然有乳豬，咁就即管試吓個乳豬啦。始終唔係度度都有得食乳豬，我覺得肥瘦適中，夠香口，配埋個乳豬醬又可以解膩，不錯！ ！ ！仲要有例湯送，計埋都係$62賣單，我覺得抵食過連鎖快餐店，環境唔錯。最怕係入到一啲餐廳，張枱抹得唔乾淨，成陣味，但呢間餐廳就冇，我一個女人就食唔晒啲飯嘅，覺得份量足，不過聽到有客人想加飯都可以，我覺得佢嗰個燒味嘅豉油汁調得幾好味，撈飯一流！不過我覺得最特別嘅係個叉燒，面頭淋上一啲蜂蜜，味道有幾夾喎！見到隔離枱仲食燒鵝，下次去試吓先！又多一個新飯堂啦，哈哈哈！