点心代表 (已結業)

雖然之前係尖沙咀個間食完雙子星主題之後下定決心唔會再來，但見到今期主題係醜比頭都係忍唔住想試下，所以就揀左貌似評價好D既中環分店。因為唔想排隊，所以揀下午2點幾來，點知都係要等，等左15分鐘啦。中環分店大好多，環境亦都比尖沙咀間好。三個人點左一籠流沙包，一籠流奶包，一籠蝦餃，一碟炸饅頭同一個椰子燉奶。個人最中意係流奶包、炸饅頭同椰子燉奶。流奶包流心程度高，我食到有D椰子味，包都好鬆軟。而炸饅頭整成咁樣真係好有創意，炸得好香脆，仲淋左煉奶，而下面仲有旺旺雪餅！椰子燉奶味道都幾驚喜，好滑，好香椰子味，仲可以刮埋D椰子肉一齊食添。蝦餃味道都可以，皮唔會好厚，蝦肉都幾彈牙。但流沙包就比較失望，料好少，流心程度亦不高，比較普通啦。總既來講都比想象中好食啦！