金滬庭京川滬菜館 (已結業)

雖然時間尚早，但難得o黎到東涌，順道食番埋晚飯。未夠6點，唔太肚餓，不敢多叫。四喜考麩-味道帶點酸，考麩不夠入味。砂鍋雲吞雞-湯底好有鮮雞味，我較為欣賞雲吞，皮薄而滑。黑醋排骨-始終不及阿拉廚房做得好，醋味不夠，而且排骨較肥。小籠包-一籠有6個皮薄多汁，可惜每個大小不一。上海湯麵-湯底較傳統的淡些，麵雖粗身，但不會過硬，韌度適中，有口感。擔擔麵-麵條夠爽，湯底好濃，幾香花生味。咸肉湯年榚-配料多過年榚，咸肉香而不會過鹹，令到湯底好野味，而年榚較腍身，仍不失煙韌。試過荃灣的總店，兩間比較下，在環境、味道及服務等各方面，呢間水準較好。