妹記大排檔 (已結業)

今日約了大學同學一大班人食飯。有人建議去妹記，我未食過，所以好期待。話係靚啲嘅大排檔。我對佢一般期望啦。但黎到見到啲食物有意外驚喜。 首先呢一碗用戰鬥碗去飲既啤酒真係第一次。cheers!! 叫了招牌油炸鬼墨魚, 比想像中冇咁油膩同墨魚好彈牙。 後面係阿仔餅， 本人對此味餸菜就一般啦，因為我本人不喜歡阿仔，但食落好鬆脆。鍾意阿仔煎嘅朋友一定喜歡。 口水雞同菜煲都能一般水平。 最後最後一定要食嘅係呢度招牌脆皮豬手，呢一碟餸係我覺得係最好食嘅，豬手啲肉好嫩滑啲皮真係好脆好脆呀。