潮福蒸氣石鍋 (已結業)

大學同學生日，我地成班朋友同佢食飯慶祝，合共10人。揀左尖沙咀呢間潮福，貪佢就腳，同埋有偏廳圓枱，唔會過於嘈吵，適合一大班人聚舊傾計👬👭我而家先知，蒸氣石鍋都可以任飲任食（除左海鮮）😋 海鮮有好多選擇，今次我地食左鮑魚、聖子、龍蝦、扇貝、奄仔蟹同蜆，跟著就任食任飲其他野 😋 啲海鮮新鮮好食就預左（每人半邊龍蝦，都幾大隻，呢下好驚喜😍），估唔到啲牛咁正，肉味濃郁，又夠鮮味😱仲有好甜既粟米，又係另一亮點😄最後，黎個蒸馬拉糕、姜汁糕，好滿足既一餐😋👍🏻👍🏻