Cafe Paradise (杏花邨) (已結業)

今晚同朋友來到杏花邨運動outlet 行街，見地下有間得得意意嘅餐廳，有埋打卡位🤣，就入去試一試。我地兩個女仔叫左個二人晚餐（$218），自選左2個主菜，連餐湯同沙律、甜品。首先上台嘅是日餐湯係蘑菇湯，蘑菇同忌廉打暈左仲咬到少少口感，菇味都幾香，夠熱👍。田園沙律都係好大一碗，沙律醬夠撈🤣， 菜同蕃茄仔都好新鮮。主菜1: 卡邦尼意大利粉煙肉好有誠意，好多粒😳，意大利粉嘅質地都唔錯，煙韌嘅。卡邦尼同芝士都好濃，唔錯👍。 主菜2: BBQ煙鴨胸意式薄餅個pizza 值得推介👍👍。襯熱食啲芝士拉絲，薄餅皮夠軟身，煙鴨胸都好到位。餐廳已預先切開6份，我哋女仔一人3塊都食得晒就知真係好食啦🤣。甜品跟餐送2份，是日甜品係啫喱，份量多就唔講啦，隻杯嘅外型先係重點😳，用左可愛嘅雪糕筒裝住，連匙羹都係雪糕筒嘅樣，相信小朋友都會鐘意嘅。另一份甜品我地加錢（+$25）轉左 士多啤梨泡芙雪山。有成6-7粒泡芙，加士多啤梨味雪糕同果醬，好甜😋。最後簡單記錄返餐飲（+$15），我地一人一杯：荔枝梳打、雲呢拿冰沙，兩杯嘅份量都絕對夠食成晚兼吹水🤣。