夢 (已結業)

三重縣酥皮粟子蓉 配上兩片白合師傅介紹由底開始食起酥皮好鬆化 粟子蓉相當軟滑絲毫唔會有好甜膩既感覺 八寸主題係日本富士山 上面擺上幾款食物而且擺設得好精緻 望到都覺得自己好似身處日本咁用黎影相打卡一流食物方面 入面有:北海道白蘆筍薄皮內包住 白蘆筍清甜爽口墨魚枝豆餅外脆內軟 枝豆蓉味道清甜墨魚彈牙 好新鮮紫薯啫喱包裹住百合 晶瑩剔透天婦羅南瓜丸細細粒好香口 南瓜都好軟身蝶豆花啫喱擺設魚池用蝶豆花天然既顏色整成既小魚池賣相十分得意深海池魚入口質感爽脆，都幾厚身鰹魚好豐富既油脂，魚味鮮甜濃厚梭子魚炙燒過後食到啖啖油香師傳將花竹蝦 魚肉釀在蘿蔔入面再配上龍蝦湯同元貝芡汁 食嘅時候間開咁食 食到啖啖新鮮蝦肉金鯛魚微微燒過 十分香脆 肉質結實有彈性 再點上龍蝦調製既醬汁配搭一流旁邊係香蕉分子泡泡 唔會太甜馬糞海膽料理賣相好靚好吸引海膽配上魚籽 再加上食用花做裝飾海膽好新鮮 味道濃郁 甜品柚子雪皅用酒杯裝住雪皅 又係另一種感覺柚子味好清新 份量剛剛好