影片
更多
2017-06-07
174 瀏覽
好耐冇食韓國野，難得約咗個好迷韓國嘅朋友食飯，就叫佢搵間未食過嘅韓國餐廳試吓啦，佢就搵到依間真係開張不久嘅韓國韓國。其實一般人未必會留意到依間餐廳，但入到去感覺又唔錯，裝修好歐美，而且坐位同坐位之間嘅距離好大，可以提供一個小天地俾客人高談闊論。餐牌上嘅食物種類唔算多，不過酒嘅種類都比一般嘅韓國餐廳多，而且幾特別，好啱一眾酒鬼咁我哋就叫咗一份meatballs，菜包肉 (bossam)同egg roll cheese spam toast.酒就叫咗chum churum soju 同mocha stout.酒就先上，首先我本人就不太喜歡飲燒酒，所以試吓一啖就俾晒朋友飲不過依隻Mocha Stout就好特別，味道有點似黑啤，麥味好香濃，而且易入口，啱晒我依啲唔鐘意烈酒嘅人。之後就上咗依個牛肉餅，放低個時仲"嗞嗞聲"，落咗好多芝士，不過芝士味較清，冇搶走牛肉嘅味，而且有放一啲烤茄子係中間，食起黎冇咁油，而且肉質係靚嘅牛肉，牛肉面煎得香口，但入面保留到肉汁，另外一大讚嘅係加咗辣椒煮芝士，大大中和咗芝士嘅油膩感，而且有層次，先食到芝士同肉嘅柔軟，辣味係食到後段先慢慢湧出黎。大力推介依個菜之後上嘅
其實一般人未必會留意到依間餐廳，但入到去感覺又唔錯，裝修好歐美，而且坐位同坐位之間嘅距離好大，可以提供一個小天地俾客人高談闊論。
餐牌上嘅食物種類唔算多，不過酒嘅種類都比一般嘅韓國餐廳多，而且幾特別，好啱一眾酒鬼
咁我哋就叫咗一份meatballs，菜包肉 (bossam)同egg roll cheese spam toast.
酒就叫咗chum churum soju 同mocha stout.
酒就先上，首先我本人就不太喜歡飲燒酒，所以試吓一啖就俾晒朋友飲不過依隻Mocha Stout就好特別，味道有點似黑啤，麥味好香濃，而且易入口，啱晒我依啲唔鐘意烈酒嘅人。
之後就上咗依個牛肉餅，放低個時仲"嗞嗞聲"，落咗好多芝士，不過芝士味較清，冇搶走牛肉嘅味，而且有放一啲烤茄子係中間，食起黎冇咁油，而且肉質係靚嘅牛肉，牛肉面煎得香口，但入面保留到肉汁，另外一大讚嘅係加咗辣椒煮芝士，大大中和咗芝士嘅油膩感，而且有層次，先食到芝士同肉嘅柔軟，辣味係食到後段先慢慢湧出黎。大力推介依個菜
之後上嘅係Egg roll cheese spam toast，睇得出餐廳好足料，用非常多嘅蛋去整，而且好滑，不過因為芝士同蛋都好多，所以好快就好飽
最後上嘅係菜包肉，五花腩烤得非常香，唯一唔好就係真係好好多肥膏，怕肥嘅女生就可能覺得唔好，不過我好中意因為愈肥舊肉愈林嘛食多啲菜就減低到罪惡感嚕，另外有樣好嘅就係佢有兩種菜提供，又有紅蘿蔔同青瓜，依兩樣就咁點醬食就得(我見好多韓國人都係咁食)，而五花腩我覺得佢本來都已經夠味，落好少或者唔落醬包住菜食已經好好味。
另外餐廳老闆服務態度真係好好，而且英文好好，唔洗怕溝通唔到，可以問吓佢有咩好介紹，同埋我哋問佢個啲酒有咩特別，佢都好詳細咁介紹
張貼
