影片
更多
2007-06-10
4 瀏覽
琴晚終於黎左銀杏館度食飯，黎呢度都係向OPENRICE O既介紹，知道呢度食物唔錯之餘仲會有一D上左年紀O同服務一流既WAITER.一黎到我同我老公已經FEEL到佢地好鬼NICE，因為佢地原本PRESERVED 比我地O既係兩人枱，佢地一見我地黎到就問我地要唔要轉另外一張四人枱呀?佢地話咁樣會坐得舒服D呀!我真係覺得佢地好好，因為如果係出面D餐廳好多時睬你都傻啦!我地開始點餐，叫左一個意大利飯SET (包前菜,餐湯.BREAD同餐茶) 同埋一個PIZZA，我地見倒D 公公WAITER 好細心咁擺好D餐具仲有佢地仲會話比你知D SAUCE係FOR D 乜野O既，我覺得好難得，因為我相信大家都試過向D 高級餐廳食飯咪會有D一支二支O既野..但係又唔知用黎點咩，又唔好意思問人，驚瘀呀麻，係咪!雖然佢呢度唔係用D咩特別O既SAUCE..都係D 醋呀.OLIVE OIL咁..或者有人會覺得咁簡單都要講...但係又真係有人唔識架，所以佢地呢份細心真係好直得嘉許架!前菜終於黎啦!係鴨胸有機菜沙律，好好味呀D 鴨胸，睇個樣以為好肥，但係食落好香呀仲一D都唔肥TIM 呀!跟住係餐湯(蟹肉周打湯), 我地
一黎到我同我老公已經FEEL到佢地好鬼NICE，因為佢地原本PRESERVED 比我地O既係兩人枱，佢地一見我地黎到就問我地要唔要轉另外一張四人枱呀?佢地話咁樣會坐得舒服D呀!我真係覺得佢地好好，因為如果係出面D餐廳好多時睬你都傻啦!
我地開始點餐，叫左一個意大利飯SET (包前菜,餐湯.BREAD同餐茶) 同埋一個PIZZA，我地見倒D 公公WAITER 好細心咁擺好D餐具仲有佢地仲會話比你知D SAUCE係FOR D 乜野O既，我覺得好難得，因為我相信大家都試過向D 高級餐廳食飯咪會有D一支二支O既野..但係又唔知用黎點咩，又唔好意思問人，驚瘀呀麻，係咪!雖然佢呢度唔係用D咩特別O既SAUCE..都係D 醋呀.OLIVE OIL咁..或者有人會覺得咁簡單都要講...但係又真係有人唔識架，所以佢地呢份細心真係好直得嘉許架!
前菜終於黎啦!係鴨胸有機菜沙律，好好味呀D 鴨胸，睇個樣以為好肥，但係食落好香呀仲一D都唔肥TIM 呀!跟住係餐湯(蟹肉周打湯), 我地只係叫左一個SET 但係佢地送多左一個湯比我地呀!攪到我地好開心呀!因為好少何會有餐廳會咁做，或者呢D就係我地久違左好耐O既人情味啦!
跟住上枱O既係PIZZA，我地叫O既係阿枝竹同肉腸，個PIZZA係薄個種..好香脆,CHEESE又夠多，但係我想講係佢個批邊同出面食O既有少少唔同,有D似曲奇同餅乾咁架，我反轉黎睇佢有好多細細地O既洞仔架，唔知點做O既呢!?
跟住係食個露筍黑松露意大利飯呀!..唔..D黑松露好香但係唔係好多，D飯煮得啱啱好，個飯入面仲加左D 雜菌向到，令到個口感好好同埋唔會咁單調~
其實食左個飯同PIZZA之後都好飽，我諗住透透先再睇下食唔食DESERT, 我去左睇下佢地貼係WALL 上面向報刊剪落黎O既銀杏館新聞，個WAITER TOM 伯伯見我地咁有興趣，比左一本佢地O既前剪報比我地睇仲話比我聽佢地銀杏館O既開辦理念,好有義意呀!
本來己經好飽，但係都好想食埋個甜品，我地叫左個UNCLE TAM甜品呀！係一個好似火燄雪山咁Ｏ既甜品，但係佢唔會向你面前燒，更加唔會有酒（仲好，因為本身唔鐘意飲酒），面頭Ｏ既蛋白好香，加埋有ｄ燒焦ｏ既味道，好好味．．佢入面係一個雜果ｐｕｄｄｉｎｇ，我覺得個布丁ｏ既質感唔以平時食開咁．可能係加左ｄ野入去．個布丁本身個味唔係好濃，可能係唔想搶左蛋白ｏ既清香掛！
最後，多得我老公八掛，佢問伯伯餐茶有咩可以選，伯伯們介紹左花茶比地，仲比左兩隻杯比我地ｔｉｍ（因為我地只係叫左一個ｓｅｔ咋）伯伯仲話飲左ｄ花茶會對腸胃好好架！仲講笑話佢地ｄ茶葉唔係香片．潽利冲架．係用荷蘭茶葉！
呢晚食飯我地覺得好開心，開心ｏ既除左ｄ野食唔錯之餘，仲見倒一個個咁有熱誠同有禮ｏ既伯伯，佢地呢ｄ服務態度真係一流，向香港真係少見啦！所以大家一定要支持下呀！伯伯們你地加油呀．．．
張貼