朱敏記桑拿菜 (已結業)

第一次去食 本生見咁多明星撐場 都好期待 但啲野食真係好好好難食呀！先講環境 我食野都唔太睇裝修 覺得好食就得 但好大問題係 個日未到八點 已經好多人係室內食煙！咁我帶唔帶小朋友 老人家去食好呢？好啦 講服務！態度其實冇乜問題 但啲員工好明顯做唔到野 點菜又記唔住菜名 上菜又上錯！講最大問題既野食！又細份又貴！仲要極難食！仲要等好耐都未上菜！3個人叫左6個餸都竟然食唔飽！辣子雞冇味又唔辣！炒花甲得個殻！成餐飯食左一個鍾！有九個字都用黎等野食架！呢間野真係好離譜！永遠唔會再去！