等等HEA

營業中

休息中

從來冇試過係openrice寫評語，今次真係第1次係foodie ig見到好吸引，特登走去九龍城食。一入到去聞到餐廳有陣怪味（唔係乾淨嘅味道），地下又有dd汙糟。開始嗌嘢食嗰陣，其實都講左兩次要飲咩，個侍應妹妹好似遊緊魂咁，不斷重複問飲凍定熱？跟住又講錯我地要飲咩比收銀落單妹妹知。呢個時候已經覺得有少少伏，點知嘢食嚟到嗰陣真係中伏。男朋友叫左鵝肝蟹黃肉臊飯，佢話啲肉臊好似中學嗰啲頹飯盒嘅醬汁味，蟹黃一啲蟹黃味都冇，純粹係一pat肉醬。。。我叫咗標準嗰個蟹黃撈麵，又係一啲蟹黃味都冇，真心一啲都唔好食（平時我一啲都唔揀飲擇食，求其入間茶記都覺得好味）見到佢宜家仲不停係ig揾Foodie做緊廣告，真心希望大家唔好再中伏。