一粥麵 (連理街)

營業中

休息中

好早，唔熟路，地鐵站附近搵嘢食，就只有呢間﹗其實都抱著負面心態入去，諗住咁樣可能會有驚喜﹗叫左個普通到不能再普通的早餐，吉列魚柳，炒滑蛋，腸仔，麵包，仲加錢叫埋個火腿通，諗住是但一樣唔掂都有其他嘢頂上老實，個火腿通唔夠湯都好少事，個滑蛋，你目測都好滑，點知原來係實蛋黎，個樣呃左我呀......塊魚柳終於比我知道老麥嘅魚柳係人間美食，呢塊我唔知係咩？好甜條腸，無事呀.....只不過係凍嘅；不過話事話，其實除左杯茶係熱之外，所有嘢都係凍嘅，唔係室溫，留意返，係凍嘅﹗可能諗住食早餐要快，所以唔敢整太熱嘅食物比大家，其實都好窩心嘅，話晒都好關顧大家嘅時間﹗人生應該係唯一一次食一粥麵，之前聽人講係差，只不過無諗過係差到呢個地步.....最後可以一讚嘅係杯茶囉.......佢係用滾水沖落個茶包度嘅﹗完。