更多
2021-10-31
249 瀏覽
住開赤柱,前排搵食見到開咗間新餐廳,諗住試下,點知一試難忘,而家變咗飯堂!前前後後食過好多次,自己屋企開餐又試過買佢外賣,一路都諗住寫個食評幫老闆娘宣傳下,今日終於的起心肝首推青咖喱三文魚,魚香滑汁濃郁,配菜火候啱啱好,配飯一流,差唔多去食次次必嗌,如果唔知食咩不如試下佢!Pad Thai係我第二至愛,夠鑊氣,蝦又新鮮大隻,所有食材融合得好好,酸甜鹹辣份量好啱我口味,正啊!其他小食同木瓜沙律都絕對係水準之上,只不過平時去食通常只會叫主食,所以係咪次次都咁好食我唔敢講,暫時未試過中伏。餐廳個地址比較難搵,所以希望更多人可以知道佢同埋去食下,等佢可以長做長有,同埋老闆娘人好好,有機會去食飯可以打個招呼,成間餐廳好有人情味!
首推青咖喱三文魚,魚香滑汁濃郁,配菜火候啱啱好,配飯一流,差唔多去食次次必嗌,如果唔知食咩不如試下佢!
Pad Thai係我第二至愛,夠鑊氣,蝦又新鮮大隻,所有食材融合得好好,酸甜鹹辣份量好啱我口味,正啊!
其他小食同木瓜沙律都絕對係水準之上,只不過平時去食通常只會叫主食,所以係咪次次都咁好食我唔敢講,暫時未試過中伏。
餐廳個地址比較難搵,所以希望更多人可以知道佢同埋去食下,等佢可以長做長有,同埋老闆娘人好好,有機會去食飯可以打個招呼,成間餐廳好有人情味!
張貼