Bove (屯門市廣場1期)

營業中

休息中

放假，同屋企人去food court食嘢。不過自己又唔肚餓。好衰唔衰，聞到雞蛋仔味，一時口痕，點知就中伏。當時冇人等，落完單好快就有得食。但食第一啖，首先係一種好假嘅甜味。然後係覺得好淋，一啲都唔香，唔脆，食到個心仲濕濕地咁。都唔知熟透未。食完一粒，已經忍唔住同屋企人講好難食。都見到個粉漿上邊係有啲啡色一點點，相信嗰啲係伯爵茶粉。但又唔知點解食落去啲茶味又冇乜，反而好大陣香精味。可能係啲材料問題🤷🏻‍♀️雞蛋仔嘅嘢，難食極有個譜。個味唔好，如果口感搭夠，應該都OK嘅。可惜呢間係兩樣都冇。食底雞蛋仔，廿幾三十蚊係市價，本身都冇乜期望，亦冇諗過要寫食評。不過真係越食越頂唔順，先忍唔住影張相。食咗幾粒就放棄，無謂浪費自己quota。