Simplylife Bakery Cafe (已結業)

長期長龍的simply life，係18:09去到太古城，終於食到。不過要坐bar檯，初頭唸住岩我八卦性格可以睇住廚師煮餸，不過抽風做得麻麻，廚房油煙搞到我鼻敏感發作。成餐飯不停打噴嚏，十個喊。叫左個扒，一碟粉，set餐選橙茶，同沙律。沙律新鮮爽口，但食到底覺得個醬汁有點濃。扒餐男朋友食既，見我完全食唔落個粉，可憐我，切左D比我。肉ok的，肉質tender，有汁，唔駛落太多調味都ok。不過煎得唔好，表面無焦脆，裡面太生。我叫的是medium well......之後講返個好難食意粉，個汁不知所謂，我覺得係材料不新鮮，有臭蝦味。上碟有一隻大蝦，幾隻蝦仔，煎到乾曬，真係非筆墨能形容的難食。D 粉又淋又軟，雖則我食得慢，都都不至於食第一啖就淋bear bear。之後好客氣同經理講難食，經理講一大堆呢個餸係龍蝦汁加ABCDF......煮成的，係會比你平時食既濃味少少。我非什麼大食家，但有正常脷既應該都會覺得難食。成餐得個蛋糕係好味的，香蕉tart，但呢D中央叫貨既嘢，正常味也是應該吧。