Nardo's Cafe (已結業)

今日諗住開開心心一班朋友上cafe 食下野聚下傾下計架ma,點知就比依個外觀還好既cafe 呃走左我既第一次，真係咁大個仔都未食過咁難食既cafe!仲諗住係自己味覺問題，諗住同朋友仔傾下覺得點，點知個個都話冇味加難食！環境一般，台唔多，剛到有5台客，佛系職員，剛到門口，冇店員接待，自行入到去，搵到店員，訂左位，跟住安排入房坐！重點：入房坐感覺好似與世隔絕咁，冇人服務！每次拎親餐具、碟，全部都要自己走出去搵店員，店員係個阿姐同後生仔個阿姐講：你地拎餐具🍴叫我得架啦，我會幫你地拎架啦，唔洗自己拎，明明就係佢地唔入黎服務每次都要自己走出去！1）茄醬肉丸以為係手打肉丸，點知一咬落去就知中伏，個茄醬超級（結），但係個粒所謂既肉丸，只係明副其實既打邊爐豬肉丸，好難食！2）白汁xx長通粉份量好多值得一讚，但食落冇味，勁難入口，10幾個人食一碟野，都冇人選擇食，啲汁好稀（要加芝士粉、辣椒仔先有味）3）肉醬意粉一睇就知青口唔熟，意粉好似浸過水咁，好軟，肉醬雖多但冇味（要加芝士粉、辣椒仔先有味）4）小食雞翼炸得over晒時間，又乾，啲雞肉又過老，好難食5）黑松露意大利飯有黑松露味，但超淡，好似冇落鹽調味咁