辛安東元祖奶奶雞 (已結業)

平時見咁多人排隊，諗住冇死錯，又上網睇過評語，終於今日就去試下啦。一早book左位，去到人唔多，walkin都冇問題，入到去坐底，環境都ok，係張枱太細，枱與枱中間又逼，坐得好唔舒服。餐牌款式唔多，一場泥到試下佢招牌奶奶雞。 味道同雞煲冇分別，太咸，雞太少。 冷麵好似食汁咁，但個汁一d都唔好食。份量少，一句講哂:好難食!!! 炒豬腸:應該主角係芽菜，只係搵到一塊完整ge豬腸，其他都係碎。味道又係mama地。汁太多，唔知食緊咩。 芝士雞：味道終於正常，底下有年糕，芝士夠哂多，雞都係一般。 豚王生菜包：其實仲有4塊生菜ge，枱面太多野影唔到，本身熱食應該會比較好，其實佢一早上到菜，因為張枱冇位放，所以職員話後上。上到最尾先有位放佢，都凍哂啦！味道認真mama地。 最後，當晚最好味竟然係支汽水。咁就食左我500幾蚊，真係食放題都冇咁嬲。