天后甜品 (已結業)

之前係天后區食晚飯時聽到隔離台話呢間新既甜品好OK~個晚宵夜就去左試~但點知勁失望!我點左個木糠布甸，D布甸既CREAM一D都唔滑，好多粒粒，味又淡，似用淡忌廉做咁~好膩既感覺。D木糠又濕立立咁~我寧可去過街尾另一間老牌甜品食木糠布丁~我仲點左個芝麻糊!個芝麻糊一望就知好稀好水咁~賣相都算喇，我一食落去........甜都癲!我完全覺得自己好似飲砂糖開水咁!一d芝麻味都無~我唔想浪費左碗野，所以就叫左老闆娘幫我加D熱水，因為真係好甜~自問好食得甜既我都真係頂唔順!加左水之後更加稀.......但個甜既程度我依然頂唔到!食左都唔夠半碗就放棄左!!!(虧佢自稱低糖少甜)買盒「日X美味X」都好過佢!我朋友就點左個熱既燉蛋~係個面乾少少(明顯係翻熱)....但入面都尚算滑，不過就完全食唔到蛋味~得少少薑味同甜味!我地仲有點左個糖不甩.....等左好耐好耐先有....好熱辣辣，質地都算OK~但D糖.....好少.......同埋因為佢用砂糖，個味始絡唔及黃糖/片糖香。OVERALL黎講，係絕對失望!半年內都一定唔會再幫襯!寄盼佢半年後會有多D經驗同進步先再試!