PizzaExpress (康怡廣場北座) (已結業)

首先，呢間野上菜超慢，服務超級一般，冇乜客人但沙律都等咗20分鐘先上，仲要上錯！肉丸好細粒，又凍又唔好食，60幾蚊得個5粒。好似係岩岩解凍完 倒一pat人番茄醬，叮下佢就上俾人食咁。意粉叫咗個lasagna，呢個上嚟係熱嘅，因為係焗嘅，但扁撻撻冇乜肉碎，加超多芝士，千層麵得4層。上枱個時，想知呢個係咩新式意粉。唔知佢pizza會唔會好d，冇食到但餐廳應該keep住每道菜都正常水準，我覺得可改善空間極大，呢排都唔洗再嚟 冇乜性價比。冇諗過連鎖店都做到咁。