星座冰室 (已搬遷) 新店位置

本身見啲評論以為係蕃茄湯始祖 所以去試就叫左個蕃茄牛肉通粉 但真係好難食 個湯咸到傻 都唔知落左幾多鹽同味精 唔知係咪想逼人買埋嘢飲 仲要個湯一啲都唔似湯 傑身到 好似羮咁 係有啲蕃茄粒 但係水還水 蕃茄還蕃茄咁 真係史上最難食嘅茄湯 個牛肉都還好嘅 不過唔多 幾塊咁 肉質都唔係啲咩靚嘢 個通粉又唔係好熟咁 總結就係唔知食左啲乜嘢落肚 個環境又差 係sell懷舊 但係間鋪隔離左右都有啲雜 入面又唔好坐 衛生麻麻 個老闆態度都麻麻 一句講晒就係 冇咩事都唔洗去試