了不起 (已結業)

我同朋友經過第一次試呢間野，叫左3杯奶蓋茶，1杯水果茶，同1杯黑糖珍珠鮮奶。水果茶同黑糖珍珠鮮奶都普普通通，但係奶蓋茶真係令人大開眼界。佢d奶蓋好鹹，完全冇芝士味，仲要有一粒粒沉澱。因為本身驚品質有問題，所以打翻去同店員反映，點知佢態度極差。店員一開始就好差態度咁問我哋係咪第一次飲呢間既奶蓋，話佢哋既奶蓋不嬲都係咁，d粒粒係正常，個奶蓋係佢今朝先打。原本佢態度好d，解釋番品質無問題就無事，但係佢講到好似係我哋無飲過奶蓋咁，我哋有咁既質疑係唔正常，真係令人好氣憤。佢仲話d沉澱既粒粒係芝士粒，凝固既狀態係正常唔會溶，咁鹹係因為有海鹽。最後想講番，如果我哋唔係第一次飲一定唔會飲，亦希望呢篇野可以告誡未飲過既大家，千祈唔好飲！